ଭୁବନେଶ୍ୱର, ୦୨/୧୨/୨୦୨୨- ଅଷ୍ଟ୍ରେଲିଆର ପୂର୍ବତନ ଅଧିନାୟକ ତଥା ଭେଟେରାନ ବ୍ୟାଟ୍ସମ୍ୟାନ୍ ରିକି ପଣ୍ଟିଂଙ୍କ ସ୍ୱାସ୍ଥ୍ୟ ହଠାତ୍ ଖରାପ ହୋଇ ପଡିଛି । ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଛି । ଶୁକ୍ରବାର ଅଷ୍ଟ୍ରେଲିଆ ଏବଂ ୱେଷ୍ଟଇଣ୍ଡିଜ ମଧ୍ୟରେ ପର୍ଥରେ ଖେଳା ଯାଉଥିବା ଟେଷ୍ଟ ସିରିଜର ପ୍ରଥମ ମ୍ୟାଚର ତୃତୀୟ ଦିନରେ ଏପରି ଘଟିଛି । ମଧ୍ୟାହ୍ନ ଭୋଜନ ପରେ ପଣ୍ଟିଂ କମେଣ୍ଟ୍ରି ପାଇଁ ପହଞ୍ଚି ଥିଲେ । ହେଲେ ସେଠାରେ ସେ ବହୁତ ଅଶାନ୍ତ ଅନୁଭବ କରୁଥିଲେ । ପଣ୍ଟିଂଙ୍କୁ ଅସୁସ୍ଥ ଦେଖି ସାଥୀ ସମୀକ୍ଷକ ତାଙ୍କୁ ସେଠାରୁ ନେଇ ଡାକ୍ତରଖାନାରେ ଭର୍ତ୍ତି କରିଥିଲେ । ବର୍ତ୍ତମାନ ତାଙ୍କ ଅବସ୍ଥା ସ୍ଥିର ଅଛି ।
