ଲକ୍ଷ୍ନୌ () ଉତ୍ତର ପ୍ରଦେଶର ସପ୍ତମ ତଥା ଶେଷ ପର୍ଯ୍ୟାୟ ବିଧାନସଭା ନିର୍ବାଚନ ପାଇଁ ଗୁରୁବାର ବିଜ୍ଞପ୍ତି ଜାରି ହେବା ସହ ପ୍ରାର୍ଥୀପତ୍ର ଦାଖଲ ପ୍ରକ୍ରିୟା ଆରମ୍ଭ ହୋଇଛି। ଏହି ପର୍ଯ୍ୟାୟରେ ମାର୍ଚ୍ଚ ୭ ତାରିଖରେ ୯ଟି ଜିଲ୍ଲାର ୫୪ଟି ନିର୍ବାଚନ ମଣ୍ଡଳୀରେ ମତଦାନ ହେବ। ସେଥି ମଧ୍ୟରୁ ୧୧ଟି ଆସନ ଅନୁସୂଚିତ ଜାତିର ପ୍ରାର୍ଥୀମାନଙ୍କ ପାଇଁ ସଂରକ୍ଷିତ ଥିବା ବେଳେ ଦୁଇଟି ଆସନ ଅନୁସୂଚିତ ଜନଜାତିର ପ୍ରାର୍ଥୀମାନଙ୍କ ପାଇଁ ସଂରକ୍ଷିତ ରହିଛି ।
ଆଜମଗଡ଼, ମଉ, ଜଉନପୁର, ଚନ୍ଦୌଲି, ଗାଜିପୁର, ବାରାଣସୀ, ମିର୍ଜାପୁର, ସୋନଭଦ୍ରା ଓ ଭଦୋହି ନିର୍ବାଚନ ମଣ୍ଡଳୀରେ ସପ୍ତମ ପର୍ଯ୍ୟାୟରେ ଭୋଟ୍ ଗ୍ରହଣ କରାଯିବ। ପ୍ରାର୍ଥୀପତ୍ର
ଦାଖଲର ଶେଷ ଦିନ ଆସନ୍ତା ୧୭ ତାରିଖ ରହିଛି । ୧୮ ତାରିଖରେ ପ୍ରାର୍ଥୀପତ୍ର ଗୁଡ଼ିକୁ ଯାଞ୍ଚ୍ କରାଯିବ । ପ୍ରାର୍ଥୀପତ୍ର ପ୍ରତ୍ୟାହାରର ଶେଷ ଦିନ ଆସନ୍ତା ୨୧ ତାରିଖ ରହିଛି । ମାର୍ଚ୍ଚ ୧୦ ତାରିଖରେ ସମସ୍ତ ୭ଟି ଯାକ ପର୍ଯ୍ୟାୟ ନିର୍ବାଚନ ପାଇଁ ଭୋଟ୍ ଗଣତି ହେବ।
