ନୂଆଦିଲ୍ଲୀ()ଆଇପିଏଲ ଆରମ୍ଭ ହେବାକୁ ମାତ୍ର ୫ ସପ୍ତାହ ବାକି ରହିଛି । ଏହାମଧ୍ୟରେ ସନ ରାଇଜର୍ସ ଟିମରେ ବିବାଦ ଆରମ୍ଭ ହୋଇଯାଇଛି । ମିଡିଆ ରିପୋର୍ଟ ଅନୁସାରେ, ସହାୟକ କୋଚ୍ ପଦରୁ ସାଇମନ କାଟିଚ୍ ଇସ୍ତଫା ପ୍ରଦାନ କରିଛନ୍ତି । ନିକଟରେ ସେ ଦଳର ସହାୟକ କୋଚ୍ ଭାବେ ନିଯୁକ୍ତି ପାଇଥିଲେ । ତେବେ ନିଲାମୀରେ ଦଳ ପୂର୍ବ ଯୋଜନା ଅନୁଯାୟୀ କାର୍ଯ୍ୟ କରିନଥିବା ସେ ଅଭିଯୋଗ କରିଥିଲେ ।
ଗଣମାଧ୍ୟମ ରିପୋର୍ଟ ଅନୁସାରେ, ଏସଆରଏଚ ଟିମରେ ୨୦ ଖେଳାଳିଙ୍କୁ ସାମିଲ କରିଛି । କାଟିଚ ଦଳର ନିଲାମୀକୁ ନେଇ ଖୁସି ନଥିଲେ । କାରଣ ପୂର୍ବ ନିର୍ଦ୍ଧାରିତ ଯୋଜନା ଅନୁସାରେ ଦଳ ଖେଳାଳି କିଣି ନଥିଲା । ପୂର୍ବରୁ ଡେଭିଡ୍ ଓ୍ୱାର୍ଣ୍ଣରଙ୍କୁ ଦଳ ଅଧିନାୟକ ପଦରୁ ହଟାଇଥିଲା । ଯାହାକୁ ନେଇ ବିବାଦ ବଢିଥିଲା । ଏହାପରେ ଖରାପ ଫର୍ମ କାରଣରୁ ତାଙ୍କୁ ଦଳରୁ ବାହାର କରିଦେଇଥିଲା ।
ପୂର୍ବ ସିଜିନଠୁ ଆରମ୍ଭ କରି ଏବେଯାଏଁ ଟ୍ରାବର୍ ବୋଲିସ୍ ଓ ବ୍ରାଡ୍ ହାଡିନ୍ ମଧ୍ୟ ଇସ୍ତଫା ଦେଇଛନ୍ତି । ଏବେ ଟମ୍ ମୁଡି ଦଳର କୋଚ୍ ପଦ ସମ୍ଭାଳିବେ । ଏହାସହ କେନ୍ ଓ୍ୱିଲମସନଙ୍କୁ ନେତୃତ୍ୱ ଭାର ମିଳିଛି । ସପୋର୍ଟ ଷ୍ଟାଫ୍ ଭାବେ ବ୍ରାଏନ ଲାରାଙ୍କୁ ମଧ୍ୟ ଦଳରେ ସାମିଲ କରିଛି ଏସଆରଏଚ ।
ସନରାଇଜର୍ସ ପାଇଁ ଗତ ସିଜିନ୍ ଖରାପ ଥିଲା । ଦଳ ୧୪ରୁ ମାତ୍ର ୩ଟି ମ୍ୟାଚ୍ ଜିତିଥିଲା । ଦଳ ପଏଣ୍ଟ ତାଲିକାରେ ୮ ନମ୍ବର ସ୍ଥାନରେ ଥିଲା । ଦଳ ଏହି ସିଜିନ ପାଇଁ କେନ୍ ଓ୍ୱିଲମସନ୍, ଅବଦୁଲ ସମଦ ଓ ଉମରନ ମଲିକଙ୍କୁ ରିଟେନ୍ କରିଥିଲା । ଏଙାସହ ମେଗା ଅକ୍ସନରେ ଆର୍ଡନ୍ ମାର୍କରମ୍, ନିକୋଲସ ପୁରନ, ଭୁବନେଶ୍ୱର କୁମାରଙ୍କ ଭଳି ଖେଳାଳିଙ୍କୁ କିଣିଛି ।
