ଭୁବନେଶ୍ୱର, ୦୮/୧୧/୨୦୨୨ – ଟି-୨୦ ବିଶ୍ୱକପ ସେମିଫାଇନାଲ ପୂର୍ବରୁ ଭାରତୀୟ ଅଧିନାୟକ ରୋହିତ ଶର୍ମା ଆହତ ହୋଇଛନ୍ତି । ମଙ୍ଗଳବାର ସକାଳେ ରୋହିତ ଅଭ୍ୟାସ କରୁଥିଲେ । ତା’ପରେ ଗୋଟିଏ ବଲ ତାଙ୍କ ଡାହାଣ ହାତରେ ବାଜିଥିଲା। ଯନ୍ତ୍ରଣାରେ ଛଟପଟ ହୋଇ ରୋହିତ ଶର୍ମା ତୁରନ୍ତ ନେଟ ପ୍ରାକ୍ଟିସ ଛାଡି ଚାଲିଯାଇଥିଲେ । ଏହା ପରେ ତାଙ୍କ ହାତରେ ଏକ ବରଫ ପ୍ୟାକ୍ ବନ୍ଧା ହୋଇଥିବା ଦେଖାଯାଇଥିଲା। ରୋହିତ ଶର୍ମାଙ୍କ ଆଘାତ କେତେ ଗଭୀର ତାହା ଏପର୍ଯ୍ୟନ୍ତ ଜଣା ପଡିନାହିଁ । ଚାଲିଥିବା ଟି-୨୦ ବିଶ୍ୱକପରେ ରୋହିତ ପାୱାର-ପ୍ଲେରେ ଭାରତ ପାଇଁ ବଡ଼ ଆରମ୍ଭ କରିପାରି ନାହାଁନ୍ତି। ଯଦିଓ ଭାରତୀୟ ଦଳ ବର୍ତ୍ତମାନ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିଛି, ରୋହିତଙ୍କ ଫର୍ମ ଚିନ୍ତାର କାରଣ ହେବ, ହାରାହାରି ୧୭ ଟି ମ୍ୟାଚରେ ୮୯ ରନ୍ ସ୍କୋର କରିଛନ୍ତି ।
