ଭୁବନେଶ୍ୱର: ଭାରତରେ, ଲୋକମାନେ ଏତେ ଉତ୍ସାହର ସହିତ ଗୁପ୍ଚୁପ ଖାଇଥା’ନ୍ତି ଯେ ଆପଣ ପ୍ରତ୍ୟେକ ସ୍ଥାନରେ ଗ୍ରାହକଙ୍କ ଭିଡ଼ ଦେଖିବାକୁ ପାଇବେ। କିନ୍ତୁ ଆପଣ ଜାଣନ୍ତି କି ଦୁନିଆରେ ଏପରି ଏକ ଦେଶ ଅଛି ଯେଉଁଠାରେ ସରକାର ଗୁପ୍ଚୁପ ବିକ୍ରି ଉପରେ ପ୍ରତିବନ୍ଧକ ଲଗାଇଛନ୍ତି। ଆପଣ ଏହି ଦେଶ ବିଷୟରେ ଜାଣିଛନ୍ତି କି ?
ପଡୋଶୀ ଦେଶ ନେପାଳରେ ସରକାର କିଛି ସମୟ ପୂର୍ବରୁ ଗୁପ୍ଚୁପ ଉପରେ ପ୍ରତିବନ୍ଧକ ଲଗାଇଛନ୍ତି। ଯେତେବେଳେ ସୋସିଆଲ ମିଡିଆ ସାଇଟ କୋରା ଉପରେ କେହି ଜଣେ ଏ ବିଷୟରେ ଏକ ପ୍ରଶ୍ନ ପଚାରିଲେ, ଲୋକମାନେ ସେମାନଙ୍କର ମତାମତ ଦେଇଥିଲେ । କୋରା ହେଉଛି ଏକ ସୋସିଆଲ୍ ମିଡିଆ ୱେବସାଇଟ୍ ଯେଉଁଥିରେ ସାଧାରଣ ଲୋକମାନେ ସେମାନଙ୍କର ପ୍ରଶ୍ନ ପଚାରନ୍ତି ଏବଂ କେବଳ ସାଧାରଣ ଲୋକ ସେମାନଙ୍କୁ ଉତ୍ତର ଦିଅନ୍ତି ।
ଗୁପ୍ଚୁପ ପ୍ରାୟତଃ ଖୋଲା ସ୍ଥାନରେ ତିଆରି କରାଯାଏ । ଯାହା ବହୁତ କ୍ଷତିକାରକ ହୋଇପାରେ।କ୍ଷତିକାରକ ଜୀବାଣୁ ଯୋଗୁଁ ନେପାଳ ସରକାର ଗୁପ୍ଚୁପକୁ ବାରଣ କରିଛନ୍ତି। କାଠମାଣ୍ଡୁରେ କଲେରା ରୋଗରେ ବୃଦ୍ଧି ଘଟିଥିବାରୁ ନେପାଳ ସରକାର ଗୁପ୍ଚୁପ ଉପରେ ପ୍ରତିବନ୍ଧକ ଲଗାଇଛନ୍ତି। ସେଠାରେ ଥିବା ସ୍ୱାସ୍ଥ୍ୟ ବିଭାଗର ଅଧିକାରୀମାନେ କହିଛନ୍ତି ଯେ ଗୁପ୍ଚୁପ ପାଣିରେ କଲେରା ବ୍ୟାକ୍ଟେରିଆ ମିଳିଥିଲା।
