ମୁମ୍ବାଇ: ଏହିପରି କିଛି ଫିଲ୍ମ ହିନ୍ଦୀ ସିନେମାରେ ନିର୍ମିତ ହୋଇଛି ଯାହାକୁ ଆଇକନିକ୍ ବୋଲି କୁହାଯାଏ। ତାହା ମଧ୍ୟରୁ ହେଉଛି ସଞ୍ଜୟ ଲୀଲା ଭନସାଲୀଙ୍କ ନିର୍ଦ୍ଦେଶିତ ଫିଲ୍ମ ଦେବଦାସ୍। ଏହା ଶାହରୁଖ ଖାନ, ଐଶ୍ୱର୍ଯ୍ୟା ରାୟ ଏବଂ ମାଧୁରୀ ଦୀକ୍ଷିତଙ୍କ ତ୍ରିକୋଣୀୟ ପ୍ରେମ କାହାଣୀ। ‘ଦେବଦାସ’ ଠିକ୍ ୨୦ ବର୍ଷ ପୂର୍ବେ ଆଜି ଭଳି ଦିନରେ ରିଲିଜ୍ ହୋଇଥିଲା । ଏହି ଫିଲ୍ମରେ ସମସ୍ତ କଳାକାରଙ୍କ ଅଭିନୟ ଦର୍ଶକଙ୍କୁ ଆକର୍ଷିତ କରିଥିଲା।
ଏହି ଚଳଚ୍ଚିତ୍ରରେ କେବଳ ଏହି ଅଭିନେତାମାନଙ୍କ ଅଭିନୟ ନୁହେଁ, ଅଭିନେତାମାନଙ୍କର ବହୁ ପୋଷାକ ମଧ୍ୟ ପ୍ରଶଂସକଙ୍କୁ ଦିୱାନା କରିଦେଇଥିଲା। ଆଜି ଅର୍ଥାତ୍ ଜୁଲାଇ ୧୩ ରେ, ଫିଲ୍ମ ରିଲିଜ ହେବାର ୨୦ବର୍ଷ ବିତିଗଲାଣି । ଏହି ଅବସରରେ, ଆମେ ଆପଣଙ୍କୁ ଫିଲ୍ମ ସହିତ ଜଡିତ ଇଣ୍ଟରେସ୍ଷ୍ଟିଙ୍ଗ୍ କଥା କହିବାକୁ ଯାଉଛୁ। ଯେଉଁଥି ପାଇଁ ନିର୍ଦ୍ଦେଶକ ତଥା ମେକର୍ସମାନେ ଫିଲ୍ମ ପାଇଁ ସେଟରେ ପାଣି ପରି ଟଙ୍କା ଖର୍ଚ୍ଚ କରିଥିଲେ ।
ସଞ୍ଜୟ ଲୀଲା ଭନସାଲୀଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ଦେବଦାସ’ ବଙ୍ଗୀୟ ଉପନ୍ୟାସକାର ସାରଚନ୍ଦ୍ର ଚଟ୍ଟୋପାଧ୍ୟାୟଙ୍କ ପ୍ରସିଦ୍ଧ ଉପନ୍ୟାସ ଉପରେ ଆଧାରିତ। ସେତେବେଳେ ଏହି ଫିଲ୍ମ ୫୦ କୋଟି ବଜେଟ୍ ପହଞ୍ଚିଥିଲା। ସୁଟିଂ ପାଇଁ ୬ଟି ଭିନ୍ନ ସେଟ୍ ପ୍ରସ୍ତୁତ କରାଯାଇଥିଲା, ଯେଉଁଥିରେ ୨୫୦୦ଲାଇଟ୍, ୭୦୦ ଲାଇଟ୍ ମ୍ୟାନ୍, ୪୨ ଜେନେରେଟର ଏବଂ ୩ ଲକ୍ଷ ୱାଟର ପାୱାର ସପ୍ଲାଏର ଲଗାଯାଇଥିଲା। ସାଧାରଣତ ଗୋଟିଏ ଫିଲ୍ମ ସୁଟିଂ ପାଇଁ ୨ ରୁ ୩ ଜେନେରେଟର ବ୍ୟବହାର କରାଯାଉଥିଲା । ହେଲେ ଏହି ଫିଲ୍ମ ପାଇଁ ପ୍ରତ୍ୟେକ ସେଟ୍ ଏତେ ବିଳାସପୂର୍ଣ୍ଣ ଥିଲା ଯେ ଦର୍ଶକଙ୍କ ଆଖି ମଧ୍ୟ ଝଲସି ଯାଉଥିଲା। ଆଶ୍ଚର୍ଯ୍ୟର କଥା ହେଉଛି ଏହି ଚଳଚ୍ଚିତ୍ରରେ ଚନ୍ଦ୍ରମୁଖୀଙ୍କ (ମାଧୁରୀ ଦୀକ୍ଷିତ) କୋଠା ୧୨ କୋଟି ପାଇଁ ନିର୍ମିତ ହୋଇଥିବାବେଳେ ପାରୋ (ଐଶ୍ୱର୍ଯ୍ୟା ରାୟ) ମହଲା ତିନି କୋଟିରେ ପ୍ରସ୍ତୁତ ହୋଇଥିଲା।
ଯେହେତୁ ଏହି ଫିଲ୍ମର ସେଟ୍ ଏତେ ଗ୍ରାଣ୍ଡ୍ ଥିଲା କି ଷ୍ଟାର୍ କାଷ୍ଟଙ୍କ ପୋଷାକ ମଧ୍ୟ ଦର୍ଶକଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଥିଲା । ଏହି ଚଳଚ୍ଚିତ୍ରରେ ମାଧୁରୀ ‘କାହେ ଛେଢ ଛେଢ ମୋହେ’ରେ ସବୁଜ ରଙ୍ଗର ୩୦ କିଲୋର ଲେହେଙ୍ଗା ପିନ୍ଧିଥିଲେ, ଯାହା ପ୍ରସିଦ୍ଧ ଡିଜାଇନର୍ ସନ୍ଦୀପ ଘୋଷଲାଙ୍କ ଦ୍ୱାରା ନିର୍ମିତ ହୋଇଥିଲା । ପରେ ଏହି ଲେହେଙ୍ଗା ୧୬ କିଲୋରେ ପ୍ରସ୍ତୁତ କରାଯାଇଥିଲା ।
ତେବେ ଅନ୍ୟପଟେ ପାରେ ଚରିତ୍ର ପାଇଁ ଐଶ୍ବର୍ଯ୍ୟା ମଧ୍ୟ ଏକରୁ ଅଧିକ ସୁନ୍ଦର ଶାଢୀ ପିନ୍ଧିଥିଲେ। ଭନସାଲୀ ଐଶ୍ୱର୍ଯ୍ୟାଙ୍କୁ ଫିଲ୍ମରେ ଏକ ସୁନ୍ଦର ରୂପ ଦେବାକୁ ଚାହୁଁଥିଲେ ଏବଂ ଏହି କାରଣରୁ ସେ ନୀତା ଲୁଲ୍ଲାଙ୍କୁ ଐଶ୍ୱର୍ଯ୍ୟାଙ୍କ ପୋଷାକର ଦାୟିତ୍ଵ ଦେଇଥିଲେ। ନୀଲା ଲୁଲ୍ଲା ଶାଢୀ କିଣିବା ପାଇଁ କୋଲକାତା ଯାଇଥିଲେ। ବହୁତ ବୁଲି ବୁଲି କୋଲକାତା ଠାରୁ ମୁମ୍ବାଇ ପର୍ଯ୍ୟନ୍ତ ପ୍ରାୟ ୬୦୦ ଶାଢୀ ମଗାଇଥିଲେ ।
ଫିଲ୍ମଟି ସେହି ସମୟରେ ବ୍ଲକ୍ ବଷ୍ଟର ହେବା ପାଇଁ ଭନସାଲୀ ଅନ୍ଧ ଭାବରେ ଟଙ୍କା ଖର୍ଚ୍ଚ କରିଥିଲେ। କିନ୍ତୁ ଫିଲ୍ମର ବଜେଟ୍ ଏତେ ଉଚ୍ଚ ଥିଲା ଯେ ନିର୍ମାତାଙ୍କୁ ଅସୁବିଧାରେ ପକାଇଲା । ନିର୍ମାତା ଭାରତ ଶାହାଙ୍କ ଉପରେ ଅଭିଯୋଗ ହୋଇଥିଲେ ଯେ ଅଣ୍ଡରୱାର୍ଲ୍ଡ ଦ୍ୱାରା ଫିଲ୍ମରେ ଟଙ୍କା ଲଗାଯାଉଛି ଏବଂ ଏହି କାରଣରୁ ତାଙ୍କୁ ମଧ୍ୟ ଜେଲରେ ରହିବାକୁ ପଡିଥିଲା। ଭାରତ ପ୍ରାୟ ୧୬ମାସ ଜେଲରେ ଥିଲେ, ଯେଉଁଥିପାଇଁ ଫିଲ୍ମର ସୁଟିଂରେ ବ୍ରେକ୍ କରାଯାଇଥିଲା। କିନ୍ତୁ ଯେତେବେଳେ ସେ ଜେଲରୁ ବାହାରକୁ ଆସିଲେ, ଫିଲ୍ମର କାମ ପୁଣି ଥରେ ଆରମ୍ଭ ହେଲା। ଶେଷରେ ୨୦୦୨ ମସିହାରେ ଫିଲ୍ମ ରିଲିଜ୍ ହୋଇଥିଲା।
ସଞ୍ଜୟ ଲୀଲାଙ୍କ ଭନସାଲୀଙ୍କ ଫିଲ୍ମ ରିଲିଜ ହେବା ମାତ୍ରେ ବକ୍ସ ଅଫିସରେ ଧମାଲ କରିବା ସହ ଆଇକନିକ୍ ଫିଲ୍ମ ଭାବରେ ନାଁ କରିଥିଲା । ଏହି ଫିଲ୍ମ ଅନେକ ଆୱାର୍ଡ ଶୋ ପାଇଥିଲା । ସେଥି ମଧ୍ୟରୁ ୫ଟି ନ୍ୟାସନାଲ ଆୱାର୍ଡ ପାଇଥିବା ବେଳେ ୧୧ ଟି ଫିଲ୍ମଫେୟାର ଆୱାର୍ଡ ସହ ୧୬ଟି IIFA ଆୱାର୍ଡ ଜିତିଥିଲା ।
