ଭୁବନେଶ୍ୱର: ଟିଭିଏସ୍ ମୋଟର କମ୍ପାନୀ ଜୁଲାଇ ମାସରେ ଏହାର ୨୨୫ ସିସି ବାଇକ୍ ଟିଭିଏସ୍ ରୋନିନ୍ ଲଞ୍ଚ କରିଥିଲା। କୁହାଯାଉଥିଲା ଯେ ଏହି ଦିନ କମ୍ପାନୀ ଏକାସାଙ୍ଗରେ ଦୁଇଟି ବାଇକ୍ ଲଞ୍ଚ କରିପାରିବ। ଏହି ଦ୍ୱିତୀୟ ବାଇକ୍ ଟିଭିଏସ୍ ଜେପେଲିନ୍ ଆର (TVS Zeppelin R) ବୋଲି କୁହାଯାଉଥିଲା, ଯାହାକୁ ପ୍ରଶଂସକମାନେ ଦୀର୍ଘ ସମୟ ଧରି ଅପେକ୍ଷା କରି ରହିଥିଲେ। ୨୦୧୮ ଅଟୋ ଏକ୍ସପୋରେ କମ୍ପାନୀ ଜେପେଲିନ୍ ଆର କ୍ରୁଜର ମୋଟରସାଇକେଲର ଧାରଣା ମଡେଲ ଦେଖାଇଲା । ସେବେଠାରୁ ଭାରତରେ ଏହି ବାଇକ୍ ଲଞ୍ଚ ହେବା ନେଇ କଳ୍ପନାଜଳ୍ପନା ଚାଲିଛି। ଏହି ବାଇକ୍ ଗ୍ରାହକଙ୍କୁ ଏହାର ଲୁକ୍ ଏବଂ ଶକ୍ତିଶାଳୀ ଇଞ୍ଜିନ୍ ପାଗଳ କରିପାରେ ।
ଏହା ଏକ ସିଙ୍ଗଲ୍ ସିଟ୍, କ୍ରୁଜର ଷ୍ଟାଇଲ୍ ଡିଜାଇନ୍, ଆଗ ଏବଂ ପଛରେ ଡିସ୍କ ବ୍ରେକ୍ ଦେଖିବାକୁ ପାଇବେ । ବାଇକ୍ ର ମୁଖ୍ୟ ଫିଚର୍ସ ଗୁଡିକ ହେଉଛି ଫୁଲ୍- LED ହେଡ୍ ଲାଇଟ୍ ଏବଂ ଏକ HD କ୍ୟାମେରା । ଏହି ବାଇକ୍ ହେଡଲ୍ୟାମ୍ପ କଭର ସହିତ ଏକ କ୍ୟାମେରା ସେଟଅପ୍ ରହିଛି। ଏହା ଏକ କାରର ଡ୍ୟାସ୍ କ୍ୟାମ ପରି ଏବଂ ଆପଣଙ୍କ ରାଇଡ଼କୁ ରେକର୍ଡିଂ କରିବାରେ ସାହାଯ୍ୟ କରେ।
ଟିଭିଏସ୍ ଏହି ବାଇକ୍ ରେ 220cc ଏୟାର-କୁଲ୍ଡ ଇଞ୍ଜିନ ପାଇବେ । ଇଞ୍ଜିନ୍ 20PS ଏବଂ 18.5Nm ସୃଷ୍ଟି କରେ । ଏହି ଇଞ୍ଜିନ୍ ସହିତ ହୋଣ୍ଡା, ରୟାଲ୍ ଏନ୍ଫିଲ୍ଡ ଏବଂ ଜାୱା ସହିତ ପ୍ରତିଦ୍ୱନ୍ଦ୍ୱିତା କରିବାକୁ ଜେପେଲିନ୍ ଆର ବିବେଚନା କରାଯାଇପାରେ ।
