ଭୁବନେଶ୍ୱର: ମଙ୍ଗଳବାର ସକାଳେ ସାଉଥ ସୁପରଷ୍ଟାର ମହେଶ ବାବୁଙ୍କ ପିତା କୃଷ୍ଣ ଘଟ୍ଟମାନେନିଙ୍କ ଦେହାନ୍ତ ହୋଇଛି। ମହେଶ ବାବୁଙ୍କ ପିତା କୃଷ୍ଣଙ୍କୁ ସୋମବାର ଦିନ ହାଇଦ୍ରାବାଦର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସୋମବାର ସନ୍ଧ୍ୟା ସୁଦ୍ଧା ତାଙ୍କୁ ଭେଣ୍ଟିଲେଟରକୁ ସ୍ଥାନାନ୍ତର କରାଯାଇଥିଲା, ସମସ୍ତ ଚେଷ୍ଟା ପରେ ମଧ୍ୟ ସାଉଥ ସୁପରଷ୍ଟାରଙ୍କ ପିତାଙ୍କୁ ବଞ୍ଚେପାରିନଥିଲେ ଡାକ୍ତର । ମହେଶ ବାବୁଙ୍କ ପିତା ତଥା ଜଣାଶୁଣା ସାଉଥ ଅଭିନେତା କୃଷ୍ଣ ୮୦ ବର୍ଷ ବୟସରେ ମୃତ୍ୟୁ ବରଣ କରିଛନ୍ତି ।
ମହେଶ ବାବୁ ଏବଂ ତାଙ୍କ ପରିବାର ଏହି ସମୟରେ ବହୁତ କଷ୍ଟଦାୟକ ପର୍ଯ୍ୟାୟ ଦେଇ ଗତି କରୁଛନ୍ତି। କିଛି ମାସ ପୂର୍ବେ ମହେଶ ବାବୁଙ୍କ ମା ଏହି ଦୁନିଆରୁ ଦେହାନ୍ତ ହୋଇଯାଇଥିଲେ। ତାଙ୍କ ବଡ଼ ଭାଇ ରମେଶ ବାବୁଙ୍କ ମାଆଙ୍କ ପୂର୍ବରୁ ମୃତ୍ୟୁ ହୋଇଥିଲା ଏବଂ ବର୍ତ୍ତମାନ ମହେଶ ବାବୁଙ୍କ ପିତାଙ୍କର ଦେହାନ୍ତ ହୋଇଛି।
ମହେଶ ବାବୁଙ୍କ ପିତା ତେଲୁଗୁ ସିନେମାର ଜଣେ ଭେଟେରାନ୍ ଅଭିନେତା ଥିଲେ। ମହେଶ ବାବୁଙ୍କ ପିତାଙ୍କ ନାମ ଘଟ୍ଟମାନେନି ଶିବ ରାମ କୃଷ୍ଣ ମୁର୍ତ୍ତୀ, ସେ ଇଣ୍ଡଷ୍ଟ୍ରିରେ ସୁପରଷ୍ଟାର କୃଷ୍ଣ ଭାବରେ ପରିଚିତ ଥିଲେ। ସେ ଜଣେ ଅଭିନେତା, ନିର୍ମାତା, ନିର୍ଦ୍ଦେଶକ ତଥା ଜଣେ ରାଜନେତା ଥିଲେ। ସୁପରଷ୍ଟାର କୃଷ୍ଣ ୫ ଦଶନ୍ଧି ଧରି ତାଙ୍କ କ୍ୟାରିୟରରେ ପ୍ରାୟ ୩୫୦ ଚଳଚ୍ଚିତ୍ରରେ ଅଭିନୟ କରିଥିଲେ । କୃଷ୍ଣଙ୍କୁ ପଦ୍ମଭୂଷଣରେ ସମ୍ମାନିତ କରାଯାଇଥିଲା।
ସୁପରଷ୍ଟାର କୃଷ୍ଣ ୧୯୬୧ ରେ ଛୋଟ ଭୂମିକାରେ ଅଭିନୟ ଆରମ୍ଭ କରିଥିଲେ। କୃଷ୍ଣଙ୍କର ଦୁଇଟି ବିବାହ ହୋଇଥିଲା। ପ୍ରଥମ ପତ୍ନୀ ଥିଲେ ଇନ୍ଦିରା ଏବଂ ଦ୍ୱିତୀୟଟି ହେଉଛନ୍ତି ବିଜୟ ନିର୍ମଳା। ମହେଶ ବାବୁ ସୁପରଷ୍ଟାର କୃଷ୍ଣଙ୍କ ପ୍ରଥମ ପତ୍ନୀ ଇନ୍ଦିରା ଦେବୀଙ୍କ ସନ୍ତାନ।
